Во рамките на проектот „Развој на еколошко истражувачко новинарство во Република Македонија, во просториите на ФЛОРОЗОН во Скопје на 12.02.2016 година, експертскиот тим на „Енвиро ресурси“ ангажиран во проектот, користејќи ја методата „фокус група“ одржа средба со избрани претставници на еколошките граѓански организации, новинари и претставници на маргинализирани групи во општеството кои многу малку или воопшто не учествуваат во прашањата за животната средина.
Учесниците во фокус групата водени од експертскиот тим на „Енвиро ресурси“ разговараа за состојбата, капацитетите и позицијата во општеството на еколошките граѓански организации нивните потреби и ограничувања за успешно делување и понатамошна соработка во рамките на проектот.
Резултатите на истражувањето во форма на заклучоци и препораки ќе бидат основа за понатамошно спроведување на проектот во насока на дизајнирање на соодветни обуки и активности од интерес за корисниците на проектот.