На 23.01.2013 година во организација на Центарот за еколошка демократија ФЛОРОЗОН и Министерството за животна средина и просторно планирање на Р.Македонија, во рамките на проектот ,,Подобрување на законската рамка за животната средина во делот на водното право,, беше организирана втората јавна дебата .Целта на втората јавна дебата беше презентирање на нацрт правилниците за формата и содржината на барањата за издавање на дозволи за користење на водите, испуштање на водите и вадење на песок, чакал и камен од бреговите на површинските водни тела. Работните текстови кои беа темелени врз постоечките законски одредби од Законот за водите беа презентирани пред 132-ца учесници – претставници од сите засегнати страни во општеството (Единици на локална самоуправа, Водни заедници, Комунални претпријатија, Граѓански организации, Министерства, Водостопански претпријатија, Бизнис заедницата и др.) За секој плански документ се овозможи соодветна дебата и предлозите, забелешките и коментарите во однос на работните текстови беа евидентирани од страна на претставниците на Министерството за животна средина и просторно планирање и ќе бидат земени предвид при изготвувањето на финалните верзии на правилниците. Исто така нацрт правилниците во наредните 15 дена ќе бидат јавно достапни за коментари и сите заинтересирани страни може да ги превземат од интернет страниците на МЖСПП и ЦЕД Флорозон. За превземање на документите кликнете овде, а Вашите сугестии може да ги испраќате на следниот меил: This email address is being protected from spambots. You need JavaScript enabled to view it. со наслов на пораката "Предлози за подзаконски акти"
- Нацрт правилник за формата и содржината на образецот на барањето за издавање дозвола за испуштање во води, како и за потребната документација која се приложува кон барањето
- Нацрт правилник за содржината и формата на образецот на барањето, како и потребната документација која се приложува кон барањето за издавање на дозвола за користење на водата