Во рамките на проектот „Локална акција за глобална климатска адаптација“ спроведен од ЦЕД Флорозон – Скопје, а финансиски поддржан од Амбасадата на Сојузна Република Германија во Скопје, се изработени и објавени промотивни материјали за климатските промени и земјоделството, како и за примената на агро-еколошки мерки во земјоделското производството.
Публикациите „Мерки за адаптација на земјоделството кон климатските промени“ и „Водич за агро-еколошки мерки“ се изготвени врз база на анализи на домашните, односно локалните прилики и услови за земјоделско производство, при што се препорачани активности и мерки кои би можеле ефикасно да се применат во земјоделството кај нас. Примената на препораките се очекува да помогне во остварување на одржливо земјоделско производство и осигурување на стабилен и квалитетен принос во услови кога негативните влијанија од климатските промени се повеќе се чувствуваат.
Промотивните материјали за проектните активности, како и електронски верзии од прирачниците се достапни на следниов линк.